Kabanata 16

Luntian

“Gilbert,” tawag ko sa secretary.

Napahinto ang palabas na sanang si Gilbert at nilingon ako. Binasa ko ang labi at pinaglaruan ang minutes ng kaninang meeting na kalalagay lang niya sa lamesa ko.

“Tungkol sa business trip sa Japan, ako na lang pala ang pupunta roon.” Umiwas ako ng tingin at ipiniid ang mga labi.

“Sir! Nakabili na ako ng ticket!” dumating ang inaasahan kong daing niya.

Nang magrequest kasi ang partners sa Japan ng conference, naisip kong siya ang ipadala. Huli na kasi nang maisip ko na puwede kong isama si Reyna at iwasan si Tanya sa pagpunta ko roon. It was a two birds hit with one stone.

Tama naman na simula nang ikasal si Gilbert ay hindi pa sila nakakapaghoneymoon ng asawa niya dahil sa mga pinatatrabaho ko. Kaya naman regalo ko na sana iyon.

“I'll pay for it!” sinubukan kong kumbinsihin.

“Nasabi ko na kay misis at nakapag-empake na kami!” he frowns.

“I’ll give you two weeks paid day offs. I'll let you use the private jet, any country you want. Sagot ko an