Chapter 8 Secret Feelings

Althea's POV

Batid ni Althea at ng buong pamilya nila ang nararamdaman ni Jessica para sa kapatid. Hindi ito magaling magtago ng pagmamahal para sa kuya niya pero siguro talagang manhid lang ang kuya niya para hindi mahalata iyon sa tagal ng pagiging magkaibigan ng dalawa.

Sa totoo lang, gusto nila si Jessica para sa kuya niya pero iba ang napusuan ni Alexander. Nahulog ito sa matalik na kaibigan ni Althea na si Mara.

Mabait din naman si Mara, mabuting tao ito at karapat dapat din maging parte ng pamilya nila. Ang kaso lang ay wala itong anumang nararamdaman para kay Alexander. Simula mag kaisip ito, tanging si Aaron lang ang nakita nito na tamang lalake para sa kanya. Si Aaron ang gitna sa magkakapatid na Romano. Isang taon lang ang pagitan nina Alexander at Aaron, kaya kung minsan, napagkakamalan pa ngang kambal ang dalawa.

Alam ni Althea na mahal na mahal ni Mara si Aaron at ang sabi pa sa kanya ng kaibigan ay hinding hindi ito mag papakasal kung hindi lang din naman si Aaron ang magiging groom niya.

Matalik na kaibigan ni Althea si Mara kaya naman palagi niya itong pinapaalalahanan. Hindi kasi tulad ng kuya Alexander niya, babaero at hindi pumipirmi sa relasyon ang kuya Aaron niya. Sobrang magkaiba ang ugali ng dalawa. Kung gaano kaseryoso sa buhay ang kuya Alexander niya, siya namang easy-go-lucky na ugali ng kuya Aaron niya.

Siguro kasi iniisip nito na si Kuya Alexander naman ang magiging tagapag mana ng kumpanya kaya hindi nito nagawang magseryoso sa buhay. Matalino ang kuya Aaron niya. Kahit hindi ito mag aral ng mabuti, hindi ito nawala sa top at palagi din namang may honors.

Pero mahilig kasi ito sa babae at tingin nilang mag anak ay wala pa sa isip nito ang magseryoso. Kaya naman nakaisip ng paraan ang Papa nila. Kagabi bago ang araw ng flight ng Kuya Alexander niya, pinatawag silang lahat ng Papa nila sa study room nito.

Bihirang gawin ng ama nila ang ipatawag sila sa study room nito kaya naman mabilis silang nagdatingan doon.

Nagulat silang lahat sa ipinahayag ng Papa nila. Hindi na nito buong ipapamana sa kuya Alexander niya ang kumpanya. Bagkus, bibigyan sila nito ng chance para patunayan ang mga kaya nilang gawin. Kahit siya na babae ay magkakaroon din ng pagkakataon na maging tagapag mana kung mauungusan niya ang dalawang kapatid.

Ang katwiran ng Papa nila ay hindi niya gustong maging unfair sa mga anak. Kung makikita niya na mas kakayanin nila ang hawakan ang kumpanya kumpara kay Alexander bago ito mag retiro, sa kanila ipapamana ito ng ama.

Sa madaling sabi, isang kompitensya sa pagitan nilang tatlo ang magaganap mag mula ngayon. Pero hindi sinabi ng ama ang magiging batayan niya ng pamimili ng tagapag mana. Sasabihin nalang daw iyon ng ama sa oras na magretiro ito. Kaya kailangan nilang tatlo na maging maayos.

Ang masama pa nito, ang ipapamana sa kanila ng ama ay ibabase sa mga achievements at naipakita nilang lahat sa huling 15 years bago ito magretiro. So, kung ikaw ang weakest l**k, kahit panganay, pangalawa o bunso man, ito ang may pinakamaliit na mana na matatanggap.

Naguguluhan man ang magkakapatid ay wala silang nagawa kundi ang sumang ayon nalang. Alam nilang once nagdesisyon ang ama, hindi na nila ito kayang baliin. Ang Mama naman nila ay nakaupo lang sa tabi ng Papa nila, walang imik habang umiinom ng tsaa. Ngingiti ngiti lang at mamasid masid sa mga reaksyon nilang magkakapatid.

Nang walang marinig na pag tutol ay ngumiti ng makahulugan si Don. Antonio Romano. Alam ni Althea sa isip niya na may ibang pakay ang ama sa mga sinabi nito kaya hindi nalang siya kumibo.

Naisip nalang niya na sumabay sa agos ng plano nito. Tutal ay babae siya, sa oras na magpakasal na siya, hindi na niya balak makigulo pa sa kung anong meron ang pamilya niya gaya ng dalawang kuya niya dahil magkakaroon na siya ng pamilyang iintindihin.

Nagkibit balikat nalang siya ng pabalikin na sila sa kani kanilang kwarto matapos walang tumanggi sa mga sinabi ng ama. Naisip niyang mukang magiging exciting nga ang palabas na makikita niya sa dalawang kapatid.

Sigurado siyang magsisimula na naman magpaligsahan ang dalawa. Parehas magaling, may kanya kanyang talento at talino. May magkaiba ngunit impressive na diskarte. Sino nga kaya ang mapipili.